CHAL GAI (SHAYARI)

hello dosto mera naam hai Kallu Bhenga aur meri dukh bhari kahani neeche hai



Waise to main ek bahut shariff insan hu,
magar apni bayi aankh se bada pareshaan hu.
Apne hi aap chal jaati hai,
log samajhte hai chalai gayi hai jaan bujhkar milai gayi hai.


Ek baar bachpan mein,
shayad san 55 mein.
Class mein ek ladki baithi thi naam tha uska sulekha,
hamne use dekha aur bayi aankh CHAL gayi,
ladki hay hay karti class se nikal gayi,
kuch dair baad hamein principle ne bulaya,
lamba choda lecture pilaya.
Iss se pehle mein kuch bataoo,
phir CHAL gayi,
principle ko khal gayi,
hua ye parinam,
school se kat gaya naam.

Mila ek kaam to interview k liye khade the ham que[line ] mein,
achanak ek ladki mudi,
uski nazar ham par padi aur aankh CHAL gayi,
ladki uchal gayi,
dusre umiddwar[participant] chonke,
ek mahashay bhonke,
phir kya tha ma.ar ma.ar ke jute chappal utar diya hamara bakkal.


Sar pe pavn rakh bhaage log-baag piche aur ham aage-aage,
ghush gaye kisi ke ghar mein,
bhayanak pida[pain] thi,
buri tarah haanf rahe the,
dard k m.aare kaanp rahe the,
gharwali ne pucha kaun,
ham khade rahe rakhkhe maun,
wo boli batate ho ya kisi aur ko bulaoo,
iss se pehle main zaban hilaoo,
phir CHAL gayi,
wo m.aare gusse se jal gayi,
sakhchat durga si dikhi,
wo buri tarah chinkhi,
baat hi baat mein ikhatte ho gaye adosi-padosi, mama-mami ho gaya hungama,
chaddi bana diya gaya hamara pajama,
banyan ban gaya kurta,
m.aar m.aar k bana diya gaya hamara bhurta,
ham chinkhte rahe,
log peet te rahe,
bhagwan jane kab tak shesh[rest].


Jab hosh aaya to ham hospital mein pade the,
nurse aur doctor khade the,
nurse boli,
dard kahan hai,
iss se pehle batlate,
CHAL gayi,
nurse kuch na boli, lekin doctor ko khal gayi,
nurse boli mariz ho aur aisi harkat bhi karte ho,
doctor k baad aaya ward boy,
dene laga apni rai[advice],
bhaag jao chup-chaap,
nahi to jaante ho baat badhegi,
doctor ko khatkegi,
case aapka bigaad dega,
zinda hi gaad dega,
tab aankh moond kar khidki se kood kar bhaag aaye,
jaan bachi to lakho paye.


Ek din baapu ji bole,
shaadi hi karlo,
ladki dekh lo,
shaadi karloge to shambhal jaoge,
khote sikke ho bhir bhi chal jaoge,
pahunch gaye ladki dekhne,
shayad baithi thi hamari hone wali saas,
yatra mein koi taklif to nahi hue boli aake paas,
iss se pehle hum bolte,
CHAL gayi,
wo samjhi machal gayi,
boli ladki andar hai main uski m.aa hu,
ladki ko bulaoo,
iss se pehle main zaban chalaoo,
CHAL gayi,
wo jhatke se khadi ho gayi,
pitaji ka saara plan dho gayi,
pitaji bole doob maro chullu bhar pani mein,
jab bhi kahi jaate ho pit kar aate ho.


Ab aap hi bataye kahan jaoo,
kahan tak apne gud gao apni aankh ke,
kambhakht jute khilati do-char laakh ke,
ab aap hi samadhan kare,
matlab raasta nikalye,
jawan ho ya budhiya,
pari ho ya gudiya,
kewal ek ladki,
jiski ek aankh chalti ho,
pata lagaye aur mil jaye to mujhe bataye......

...........DHANYAWAAD..............